- المبدع: لو سمحتي بكتب موضوع
- مدونتي: سير بيع بصل
- المبدع: ليش يا بنت الحلال؟
- مدونتي: تركتني شهرين ونص ولا سألت عني!
- المبدع: كنت منشغل بمليون شي، حياتي كلها تغيرت وكل مسؤولياتي والتزاماتي من بعدها.. مب لازم أحكي لج القصة الحين، بس أنا الحين حصلت إجازة أسبوعين من الجامعة.
- مدونتي: وقضّيت هالأسبوع كله تسوي مدونات، حرام عليك، مسوي 3 مدونات يديدة ومطور منتدى وموقع، وأنا وين رحت؟ مخلني مع رسايل “السبام” !
- المبدع: مب جذي، بس ما بغيت أرجع لج ثم أنشغل بأشياء ثانية، فخلصت اللي ياخذ وقت كبير، والحين ييت لج، وبعدج عندي 4 مدونات ثانية تحتاج تطوير.. من كثر تعلقي فيج ييت لج قبلهم << مصلحة.
- مدونتي: وأنا؟
- المبدع: طورتج اليوم وحطيت عدد من الإضافات والتغييرات اللي بتلاحظينها، وراجعت كل مواضيعج وحذفت منها الكلام الزايد والمقدمات، مع إخفاء 8 مواضيع من المدونة.
- مدونتي: وشكلي؟ ما بتغيره؟
- المبدع: كنت ناوي أغير التصميم، بس نصحتني اخت متخصصة ودارسة “قوى الألوان” اني ما أغيره، لأن اللون السماوي “سبب في الإسترخاء الذهني والنفسي”. أكمل قراءة بقية الموضوع »